längwilig
kener Neuigkeite vom Zaugg, dä isch itz ade Töffrenne u Schwingfescht, am Bruno si letzscht Bricht ufem Fantiger isch dä vo Langetu wo ke Mönsch interessiert, ufder Tigerhomepage chunt bide letschte News Error 404, ke Sou schribt me öppis ufem PB, Chöle fürs Saisonabi si wäg.
Bi du haut i z'Wallis ga Wy ichoufe u weis itz, warume di Sprach dert so schlächt versteit, a bsoffne Ämmitaler versteitme ja ou fasch nid.
Wome nächscht Saison im Fernseh cha Hockey luege u was das choschtet weis o no niemer.
Derfür geit itz ändlich die längwiligi Fuessbaumeisterschaft z'änd wo eigentlech di einzigi Spannig isch, wenn schickt dr CC dr nächscht Trainer i d'Wüeschti.
Freuemi itz uf d'OGA, dert hani ou grad as Saisonabi glöst u cha au Tag i z'Ilfisstadion ga luege, ob mi Sitzplatz no dert isch.
Hoffe itz das dr Neil Nicholson wider mau öpis schribt wo eim a chli beschäftigt, wome ersch nachem dritte düreläse so ungefähr vermuetet waser het wöue säge, oder dr magnus mitere neue Statistik oder dr Mänfu mit eine vo sine Strategie.
Wünsche aune a schöni Auffahrt.
Gruess ... schnouz